☆★My Happy Ending★☆

自从09intake入职，Kornhill Gang每次出动都热闹非凡——三个女人一个墟，呢度任挑三个女MT出来就一个墟，所以根据排列组合，呢度有…er…C（下面小字）7（上面小字）3咁多个墟。。。

前一周末大家激动地趁马克回来毕业典礼搞Kornhill烧烤hiking trip。好吧，其实是我们只是烧烤，hiking部分总共就从毕架山入口hike到烧烤场、再从烧烤场hike回康怡那么半个小时而已。

今晚嘅活动行艺术路线，我哋拉大队去康怡戏院睇电影。很可惜Paul要OT、Louis要值夜班，无法参加。对了，还有不能晚过8点半回家报到的大喜也缺席——点解大喜女朋友可以唱k蒲到凌晨，大喜跟大队睇出戏到十点都唔得呢？如大佬Rick所讲，9个人揽埋一齐睇电影，真系够晒warm！

MJ This is it 同2012，你会选睇边出？我会选择the Day after Tomorrow班底嘅2012。入得戏院，梗系要睇出有音效有画面有CG嘅大片！MJ，你安息吧……

虽然出戏冇讲，不过如果真系有地壳转移活动并引发海啸，处在太平洋板块边缘的广州一定同戏里面的华盛顿有得挥——话晒广州在因global warming导致水位上升受被淹没威胁的城市里面，排名仅次于纽约，真系够晒牛B。所以方舟要建在地球之巅——西藏高原上。中国地形广博大派用场啊！

明日之后，讲的是人类自己作的孽；但2012不同，在呢个宇宙里面，人类就连一颗尘埃都不是吧？！太阳打个喷嚏，地球就要反转，人类就随时要灭绝。

谁有资格可以登上位置有限的诺亚方舟？chosen by gene screening？还是看谁的荷包比较涨容易点吧！或者好似戏里面的山寨欧巴马总统（注意美国打算统一obama总统全球的译名）的自嘲一样，搅珠算了——既然天要灭我哋，就由个天决定边个命不该绝吧。令我回想起当年马是鸡的assessment centre，就是一个如此相近背景的case（话时话，当时签的保密协议有冇expiration date嘅呢？）。已经唔系个人，而系成个种族的生死存亡一刻。作为局外人，我好轻松地认为，冷血也好无情也好，就应该严格关闸门，保护已经上船的人。开舱救人很伟大，然后我们一个方舟几万人都因此死翘翘了，那就真是更伟大了！只要方舟的人获救了，说不定我们还有轮回做人的机会。当然如果系咁男主角就没戏唱了。

我承认自己非常十分冷血，从来唔buy拯救大兵瑞恩那种死10个人为了救一个人的美国英雄主义——虽然当年我高考作文仲懒正义咁写“这是心的选择”。灾难片，我最中意睇人性最自私贪婪的阴暗面，所衬托出的为家人奉献牺牲互相支持的人性光辉。而且我会一边睇一边哭。人是软弱的。如果我们能紧握对方的手站在一齐面对，坚定那一点信念，我们是不是就能无所畏惧？！

每个角色都让人记住了，证明了导演的功力：为科学家儿子骄傲的乐手父亲；第一父亲电话里请求第一女儿的原谅；一睇就知道帅到爆的俄国机师跟老板的情人有路；有extra船票你会带边个上船，年老行动不便神志不清的母亲or离你而去的老婆，or neither？印度地质学家一家人最后的告别电话；意大利总理不愿上船与众教徒绝望的见证教堂创世记的破裂；再自私贪婪，俄国佬还是会不惜一切推两个儿子上船——讲真，呢度真系好唔公平！点解俄国佬呢个咁出彩的角色，畀足钱反而上唔到船要死，男主角一家就可以辅辅碌碌阖家平安？！呢出戏就系咁烂尾了！！！

最后要为中国喝彩。个个都会英文的工作人员，Made in China的诺亚方舟，真是好样的！！！估计这次能够安全在国内上影了吧~

====================

PS. 电影开波前的新片预告，睇到Avatar的trailer。呢个为军队培养转基因战士的古仔点解咁熟口熟面呢？原来又系鬼才James Cameron自编自导。Dark Angel不会再出Season 3，Avatar就延续trans-genic的传奇吧！

====================

PS.2 毫无过渡进入冬天，感觉冰灾雪灾好似又要来袭。希望那个the day after tomorrow的灾难不要再来，让大家都可以安心跟家人团聚过年。如果地球有一日要面临末日，我宁愿是因为2012这种太阳打喷嚏的不可抗力，而不愿睇住我嘅地球如明日之后那样系畀我哋人类自己亲手毁灭。。。

。。。。。。

高妹吾思竹

啃啃啃Didy

。。。。。。下个礼拜连续3日training~~~

小狐狸对小王子说：当一样东西被你驯养了，这东西对你而言，就是世界上独一无二的存在。

吾思竹同Didy，是我的世界里独一无二的存在。

从吾思竹高挑又鹅挪多支的外形估计，吾思竹系个女仔，而且系一个高妹。生得仲高过我，真系物似ex主人型！用爱包的话讲，吾思竹系一棵弃竹，而且重被弃了两次。我有种感觉，吾思竹第一任主人，系个美女。美女临走将吾思竹同花瓶一齐交托畀Dickson。Dickson临走自己留着美女的花瓶，将吾思竹留翻畀我，于是有了我与艾伦正能量一齐去宜家买花瓶的故事。

吾思竹名字的典故，非常之复杂难解释：
爱包的旧同学吴思竹，从未与我见过面，我哋只通过爱包的space隔空聊过天，看过对方space的文章——吴思竹系个美女写手！
07年春节同爱包去四川旅行，爱包的“雪山跑步机”鞋子一边行一边滑，以致路人送她一根竹杆做登山杖，为她改名吴思竹。吴思竹一路陪我哋行遍峨眉，只可惜带唔上飞机只能在机场安检同吴思竹告别，同吴思竹在安检处影相道别，重差d被安检官员以为系恐怖分子奸细特务勒令把相机内存拿出来毁灭照片 -_-bbb 全靠我们两个当时一脸无辜可怜兮兮瞪着星星泪花眼打动了官员才放行。
为了纪念滞留四川机场的吴思竹，也遥祝即将嫁人的吴思竹，弃竹将被我驯养，就名为吾思竹。注：“吾”是我的意思！

Didy小朋友，将延续~家有小鼠~的传奇。不不哈姆Lulu大光，现在连Corolla都passed away，难怪多仔说什么都要滚回国了~~~

俗话说的好：龙生龙，凤生凤，老鼠儿子会打洞。昨日到旺角金鱼街，第一只挑中嘅系个女仔。鉴于吾思竹已经系女仔，屋子总要有个男仔，于是继续行继续挑。第一眼见到Didy时，小东西从跑步机上下来，跑到透明箱子边同我打招呼，再在箱子木屑堆里挖挖挖。爱运动爱prison break，最紧要系大眼碌碌。好，立刻bok锤！我家小鼠可以唔型（有吾思竹型就得了），可以唔man（等家姐man d保护你地啦），不过一定要靓仔！

回到家的Didy，最中意跑步机同扮“失败的man”，咁多运动会唔会变成肌肉鼠？！继承了叠字小鼠的特色、充满冒险精神爱逃跑的Didy，还一直在跑步机下面的木屑堆中锲而不舍的挖挖挖——塑料底来嘎，挖唔出地道嘎傻仔。

Didy名字的来源，综合了多个方面：
我偏爱的小鼠，名字都系叠字：不不&Lulu；
我的新宠：松鼠大作战Chip n' Dale里面的Chip仔，毕业照Ray师弟的礼物；
配合家中Chip仔，但小鼠毕竟不是松鼠，不好直接叫Dale仔，轻微变化为叠字，得到Didy。

Didy我们约法三章吧，你打洞归打洞，唔好挖到一地都系木屑，家姐要扫地好辛苦嘎！家姐不在家时，你要听吾思竹家姐的话，两个一齐好好看门哈！

小吉话，林大包完美到令人妒忌，美貌与智慧，毅力与信心，被神毫无保留的眷顾。（oh，小咄放心，你仍然是807的完美女神，有不不哈姆lulu大光的眷顾！）

玩了夹气球游戏，呼唤起遥远的大一圣诞的回忆；充满经济学名词的结婚宣言，大包果然是一等奖学金；好久不见的老同学大师兄，这是01LN学生会团委头目聚会啊？

相亲速配游戏，在我和帅哥主持带领下，变成变相玩新郎新娘游戏！

嘉宾表演节目是婚宴必不可少项目。

师兄献唱很学友的“祝福”，新郎飚高音“每天爱你多一些”，LN十大歌手情深款款“明天我要嫁给你啦”，新娘只默默把感动收藏内心。

还是要我的神秘蛋糕出马！

只需简单一个纯白的蛋糕，经典的一首“我只在乎你”，能在最后营造这么完美的气氛——果然，新娘不哭一下怎么像出嫁！

新郎能在这么即兴surprise的安排下飞快反应过来，在歌曲最后接唱那句“所以我，求求你，别让我离开你，除了你我不能感到，一丝丝情意”，在新娘耳边深情的呢喃一样，杀死人啊，抵你抱得美人归！

这对的新婚夫妇将来的小孩不要太聪明哦！！！

space backgroup music改成当晚将气氛推向高潮的一曲as captioned，纪念02Fi第一场婚礼喜宴。

后面的队形跟好咯，为了wedding freak的我，要延续02Fi的幸福哦！

807和364，我们都会有不输02fi的幸福的！相信！一定！

10几年前第一次也系唯一一次到北京，同Lucy喺舅公舅婆家住半个月游遍首都，当时嘅表弟芮涛都仲系3岁bb仔一个。时隔咁多年，北京连奥运都举办埋，我终于再一次上京向舅公舅婆请安，芮涛已经大个仔，系一名顶着爆炸头发型嘅大一新生。部分相upload到space相册，sorry冇爆炸头表弟睇，只有我的天才美少女Lucy表妹！

此行的plannning总括来讲，就系always a changing plan。本来以为1号当日飞，但原来国庆当日所有往北嘅飞机禁飞，被迫喺屋企睇埋阅兵，二号一早天未光爬起床出发，就咁同喺北京旅行嘅水哥失之交臂。海航果然众望所归，同网上描述一样，从来都唔准点，delay一个钟头降落。等拿行李嘅时候趁机打个电话畀水哥，水哥原来也系一早爬起身搭车启程去内蒙玩，国庆后过境HK就会直奔UK开始virgin份工（维珍航空哦），下次一齐喺K房吼Linkin Park唔知要等到几时了。

book嘅酒店系朝阳区，搭taxi路上可以见到裤衩同旁边烧焦嗰栋XX——讨论中发现，原来裤衩与旁边栋楼嘅组合设计有个好dirty嘅concept，设计师真系大整蛊，唔通央视系因为咁要放烟花烧鬼咗佢冇眼睇？！不过e+仲烦，烧焦的酒店唔可以拆，因为地基同裤衩相连，拆除重建会整lum埋裤衩；唔拆重新粉刷装修的话，估计呢个酒店都好难有人入去住。于是，烧焦的酒店就咁放咗喺度，冇嘢遮丑冇下一步计划，无了期搁置。虽然到了四大文明古国之一的首都北京，住嘅酒店却系埃及主题 -_-b 。。楼下大堂仲可以爱来摆结婚喜宴添——入酒店check-in嘅客人个个都要路过人哋嘅喜宴现场，京城人民的思维真系好难捉摸啊。

本来姑姐嘅plan系到步下午立刻去舅公舅婆屋企请安，临出发前又changed plan，改成中秋3号当日先拜访。Lucy之前一晚通知北京的哥哥们改为2号下午见面。到酒店放好行李已经两点，打畀Dickson哥哥，一听就系未瞓醒嘅声音，原来抱恙在身，咁就唔好打搅病人休息。Lucy一堆北京哥哥仅剩梁哥哥未逃避国庆出国旅行。梁哥哥开车过来带我哋出去食Dong Duck——喺bugeut返工但就揸2.0T嘅大众。望住我同Lucy不停咁包烤鸭，梁哥哥捂着嘴笑话：“你们两个还真能吃啊，还要再点一只嘛？”谂落对上一次食烤鸭已经系大一寒假后翟宁从北京带回来的真空包装全聚德了。。。港人开的大董烤鸭，冇全聚德咁油腻，食多两够都唔会滞，之后再饮啖热辣辣鸭架汤，原汁原味，真系骨头都唔好嘥！

食饱出发去睇鸟巢同水立方。奥林匹克公园旁边有个“盘古七星酒店公寓”。据说顶楼有10套只租不卖的酒店式公寓套房，年租金一亿，美金！比尔大门喺度租咗一套——唔知佢系咪真系会来住呢？鸟巢同水立方，同一切京城嘅建筑的共同特点，就系大！体型大，气度大，果然有大国首都风范！与香港外形通常三尖八角又高又瘦嘅建筑物不同，京城嘅建筑物都系四四方方够晒稳重正气——内部实用率一定够晒高！加上冇高入云霄嘅摩天大楼挡住头顶嘅天空，秋高气爽嘅北京天空特别清澈，灿烂嘅阳光下，连影相都要先闭眼，倒数一二三后趁按快门的一刻睁眼。

系鸟巢旁晒够，搭地铁出发去三里屯睇下自己公司地头。北京人都好有方向感，仲好热心，帮我哋指路总系往东行几远然后往南行几远@&%……，问题系我都唔知系东南西北系边边，难道重要带埋指南针出街啊？！The Villiage居然又冇起中文名，咁点问路啊？！er，请问，三里屯那个“村”在哪里啊？%…*@！&# 热心无比又中意乱指路嘅首都人民，一于乱指，搭地铁到国贸站落车再转巴士102，搭x个站就到了，特近！落地铁重要转巴士n个站仲话特近，咁点先算远啊？！好彩在家养病嘅Dickson都有回短信，重新指示喺正确嘅地铁落车。但系竟然再短信指示出站向西行n百米——西？即系边边？Lucy呢个时候发挥小宇宙，靠feel feel中了方向行去三里屯。五光十色琉璃瓦一样嘅外墙设计，同公司brochure一样咁精致。周围很多expact，难怪中文名都唔改。明显可以睇到人行道公司management同市政management嘅分界线。小广场又有同CG一样嘅喷水广场——今次唔系亚洲最大了挂，系咪京城最大啊？CG都系整点先喷水，三里屯好似一直喷个不停，干到裂开嘅北京边度来咁多水喷啊？然后肚饿嘅姑姐姑丈先去拿位食饭，食嘅就系Lucy班北京同学仔发梦都挂住嘅麻辣诱惑。虽然店面开喺3楼，仲系最里面一栋，仍然坐满。至于我去toilet inspection嘅结果系，连CG嘅厕所都不如，management勉强合格咋，有待改善啊！最骑呢系the Villiage个戏院，竟然同hk呢边其中一个竞争对手商场名一样，叫Mega Box。最残念系，竟然我同Lucy连酒吧街都行埋，都搵唔到the Opposite House。谂住短信求救，点知Dickson都未去过。。。后来翻来同老板研究，原来Opposite House同未完成的部分相隔已营业的部分好远，越过酒吧街重要继续行一段。见到老板住TOH嘅相，木浴缸同basin，透明浴室，淡淡灯光，同TUH一样的简约线条。我唯一担心系最近公司咁中意行原木路线，maintenance做死人！

翻到下榻嘅“埃及”酒店，听住中央3台宋祖英演唱会瞓着。第二日中秋，一早7点钟“叫早”，八点食完早餐出发去舅公舅婆家。北京d路都系一个方向三条车道，所以单向行车线已经阔过HK成条主干道加埋叮叮tram way。放假的早上行车通畅无阻，真系爽啊！然后的士师傅补充，到返工嘅日子就不爽了，堵得水泄不通。其实北京公共交通工具咁平，2蚊地铁搭晒全程，有公交卡搭巴士更加6折起，最低起步价4毫子，相比殖民地，2蚊只够搭叮叮。。。唔识路嘅的士师傅+唔认得路又扮认得嘅姑姐=搭的士荡失路。我明明记得细个去舅婆屋企，系先经过309医院，再到舅婆家，所以今次个司机从路的另外一边使入去，就应该系先到舅婆屋企再经过309医院——呢个分析绝对符合逻辑，而且事后实践证明，我10几年前模糊嘅记忆都比扮认得路嘅姑姐靠得住！

即使入到大院，仍然唔记得边栋楼，要劳动到舅公舅婆亲自落来接。记得细个舅婆来广州玩嘅时候最锡我嘎啦，舅公虽然之前几乎心脏病发死过翻生，e+睇落都神清气爽——大难不死，必有后福，要同阿嫲一样，身体健康！细个对舅公舅婆屋企最深刻嘅印象，系家里有三个冰箱，里面有食唔晒嘅嘢食，夏天就全家一齐切小小圆圆的西瓜，甜过广州嘅大西瓜好多好多！e+舅婆屋企更加厉害，堆满各种苹果蜜梨枣，仲有神7宇航员都食嘅太空月饼——真系用料上乘健康，清甜又不油腻啊！如果以后派到北京，个个礼拜去舅公舅婆屋企食水果就好啦！坐落即刻打电话翻广州畀阿嫲同舅公对话，Lucy开始录像，可惜阿嫲屋企冇上网电脑设备，否则就可以视频对话添。10点几芮涛表弟瞓醒起身，虽然舅婆话佢挂住打机都唔同公公婆婆交流，但仍然好乖仔全程陪我哋倾计，由此可见仍然系乖小孩一名。可怜芮涛嘅爆炸头得唔到大人们赞赏，唔使伤心，仲有两个表姐识欣赏！90后男生，再加d挑染颜色gel gel头就更加沟死女喇哇哈哈哈（教坏细路添 ^o^) 中午同舅公舅婆表姑一家人到北京嘅顺峰山庄食饭，冇错，就系广州都有、顺德人开、贵到抽筋嘅顺峰山庄，而且估计表姑丈已经喺度食到一张脸成了VIP卡，专门派个讲广东话顺德派来嘅亲信部长来招呼我哋间房。

饭后表姑丈车我哋去国家大剧院。参观票，学生证有优惠，oh yeah HKU学生证第一次派上用场！好在上面全部英文简写，show出来都冇人知道MScRE同个P字咩意思哇哈哈！国家大剧院据说唔系咁得北京人欢心，觉得似个棺材。。。唔系吖，我觉得似水上慢慢升起嘅明珠啊。入到内部从低层望上去波光鳞鳞的水影，好似走入水晶宫殿。从穹苍延伸到地面嘅玻璃幕墙同发亮的地砖上的倒影又练成“海天一色”。中央歌剧院好似围着一圈竹帘，加上穹苍顶仿竹屋嘅设计，同埋古色案几设计的栏杆，有d喺竹林深处，几个诗人吹笛抚琴嘅风雅感觉。场馆介绍中，有个“弗洛伊德摇滚芭蕾”嘅节目，听落好似好前卫啊！当年MT面试都同SGS研究过弗洛伊德嗰个画画的也叫弗洛伊德嘅nephew，因为我嘅素描曾被老师话似画画弗洛伊德的风格。YYJ见到竟然联想到“爱因斯坦爵士京剧”-_-bbb 喺剧院内纪念品小店无聊逛，Lucy兴奋地话我知，啱先有个男仔同佢搭讪，然后大叫“啊一翻来就有靓仔搭讪啦，我要翻北京做嘢啊！！！”哦，好啊，睇下我哋边个先来到北京。

傍晚离开国家大剧院，因为临近天安门降旗时间，加上人民大会堂好似有重大宴会，好多大旅游车载满人使入去，两边人行道被解放军人墙围到行唔过去——话时话解放军哥哥们一碌木咁企喺度都几有型，唔知可唔可以过去同佢合影嘅呢？晚饭后，我哋竟然去山长水远来到北京，行Wal-mart。。。激动嘅姑姐差d想喺北京买个电饭煲翻去，好在我同Lucy搏命阻止。夜晚喺酒店好似又系听住中央三台宋祖英瞓着。。。啊，星期六晚啊我的钢炼啊！

因为姑姐的毕业班5号开学，我请假到5号要返工，4号中午飞机离开。最后在首都的上午，我哋决定到朝阳公园游玩一下。5蚊门票有学生证又可以半价呵呵。摄影发烧友新丁姑姐姑丈孭咗单反来北京，喺朝阳公园开始疯狂谋杀相机内存。最有趣系朝阳公园嘅跳降落伞机，当然完全唔系跳楼机嗰种刺激法。仲有曾经睇电视见过很型的电动车——25蚊玩一圈，其实呢款7万蚊一架嘅电动车，唔扶把手光靠移动重心都可以行嘎，最高时速可以达到30km。不过安全第一乐园哥哥当然要求玩家都扶紧把手啦。公园内至少见到两pair影结婚相（YYJ要集邮么？），仲见到同BB影写真嘅。最有创意，系草丛中的句型甲虫，学姑姐话斋，最唔似厕所嗰个就系厕所啦！厕所里面转弯处有几面镜子，角度刚好可以睇到男厕里面一排厕兜，各位男士如厕要小心企埋d喇~~~~

玩完一大轮公园翻酒店check out去机场。同Lucy一齐感叹点解呢几日好似每日都做好多事情，行完成照公园先11点咁早。得出结论系因为每日都起好早，放假起床仲早过平日返工真系被雷劈。。。中午到机场。2点几飞机。大飞机好处系有独立电视机。不过我一上机未起飞就开始瞓，瞓到飞机起飞咗都冇知觉，一觉瞓醒发现已经喺空中，按钟问空姐要水饮。睇住电视播嘅电影食晚餐，不停问空姐要水饮。食完发现仲有大半个钟先到，睇晒出电影后决定，继续瞓！好在坐里面窗口位个大叔唔使去厕所（也可能系我一直瞓人哋唔好意思叫醒我去厕所）。到深圳按照艾伦正能量（啊啊啊呢个名真系好长啊X_X）指示搭机场巴士到湾仔，再转地铁翻到康怡。。。真系长途跋涉兜兜转转，连行李都唔想unpack，冲凉之后只想挞落床瞓——喺飞机猛瞓一样唔影响夜晚继续瞓，果然我系猪！

10n年后重游北京，在10年前嘅好印象上再加分！遇上放假加奥运后，天空清澈蔚蓝，马路宽阔行车畅顺，北京城更多绿化更加整洁，大街上都见唔到任何垃圾。但只系初秋，已经干到人都要裂开，翻到PP见到Eugenia忍唔住提佢，记得带多d lotion过北京！唔知到沙尘暴嘅季节点算。。。各位北京嘅兄弟姐妹要多饮水好好照顾自己！！！

P.S 游记上半节系寻晚一边同爱包倾MSN一边完成；游记下半节系今晚一边同Dickson在MSN研究另一大有钱佬Dickson一边写。。。